報載，上周末廣州“最靚經適房”申購現場，依舊人頭攢動。但其中卻有啲憂悒，經適房價格相對商品房睇落都幾平，但幾多申請者仍好難啃得落肚，兩口之家月入三千都難買得起，結果就搞得幾尷尬，即系評分越高，家庭越困難；越有資格申購，越擔心買唔起。

　　有街坊就話，首期近10萬元，硬啃落去可能真系“傾家蕩產”，咁講其實一啲都唔夸張。報紙上舉著一個葉先生夫婦嘅例子：三口之家喺革新路一間20平方米嘅房里租住著一年，葉先生天天打地鋪，即使系咁簡陋嘅房子都需要600元月租。咁樣嘅“貧下中農”按理梗喺經適房入住嘅絕對人選，但系假如葉先生一家真系硬頂買咗房，到時可能唔止“傾家蕩產”，仲要惹得一身債，以后嘅日子又點捱？

　　所以，呢啲“經適房”睇似“經適”，但實際好似相反。雖然咁講語氣有啲過火，但實情就系咁樣。假如有關部門真系確實有為窮人著想，我諗至少應該建多啲廉租房。而且即使系“經適房”，都應該多考慮從貸款門檻等政策同埋制度上多啲安排，比如絕對唔可能走買商品房首期付三成呢條老路，而系多啲似貧困大學生助學貸款呢類優惠政策。更加重要嘅系降低地價，降低房價，而且如果真系想配得上“政府保障性住房”呢個稱號，我噉大讓利，大平賣都系應盡之責啩。